Linex: Sijawahi kupata model bora kama Jackie Cliff.

 

Muimbaji wa Kigoma Allstars na hitmaker wa Kimugina, Linex Sunday amemlilia model wa video za muziki nchini, Jackie Cliff kwa kusema kuwa kwake ndiye model bora zaidi kuwahi kumpata.

Jackie ambaye anaonekana kwenye video ya Kimugina, alikamatwa huko Macau, China na madawa ya kulevya aina ya Heroin yenye thamani ya zaidi ya shilingi milioni 220 na hadi sasa bado anashikiliwa huko.

“She' s ma best model I ever had#in God we trust#wethevoa,” ameandika Linex kwenye picha ya Jackie aliyoiweka kwenye Instagram.

Hivi karibuni, Linex alidai kuchoshwa na maswali anayoulizwa kuhusu mrembo huyo.

“Nimechoka maswali kuhusu jack cliff model nilieshoot nae kimugina napenda kuwambia wote wanaoniuliza maswali ya ajabu kwamba sijawah kuwa na ushikaji na jack zaid ya kumtafuta nilipokua na kazi nae so sijui kitu chochote kuhusu jack anafanya nn ana nn ana kaz gan zaid ya umodel sijui so mnaonitupia maswali na picha wats up plzzz cos sijawahi kua karibu na Jack na sijui chochote kuhusu jack zaidi ya kufanya nae video,” aliandika kwenye Facebook.