DMX aiombea show yake isitokee mtu akapigwa risasi, ni katika jiji hatari zaidi Marekani.

Siku kadhaa baada ya DMX kuanza kupiga shows zitakazomsaidia kupona vidonda vya kufulia, mkali huyo ameendelea kushikilia imani yake na kupiga maombi na timu yake yote kabla hajafanya show ili mambo yaende sawa.

Kiongozi huyo wa zamani wa Ruff Ryders ameonekana katika kipande kifupi cha video akiomba kwa jina la Yesu zisitokee fujo za aina yoyote katika tamasha alilokuwa anafanya katika jiji la Detroit, jiji ambalo jarida la Forbes limelitaja kama ‘jiji hatari zaidi Marekani’.

Katika kipande hicho kilichooneshwa na TMZ, anaonekana DMX akiwaaambia watu wake wasali na kushikana mikono kwa pamoja na kuinamisha vichwa vyao chini kwa ajili ya maombi.

“Tafadhali Mungu usiruhusu mtu yeyote asumbuliwe ama apigwe risasi.” Ni moja kati ya maneno aliyoyaomba DMX katika sala yake.

“Tunaomba kwamba kusitokee ugomvi, kujeruhi, ufyatulianaji risasi, wala mtu kukamatwa, majibizano ya ugomvi wala vitendo vinavyofanana na hivyo.” Aliomba DMX.

Maombi ya DMX yalisikika na hatimaye show ilifanyika kwa amani na hakuna kitendo chochote cha uhalifu kilichoripotiwa katika show hiyo.